អតីតប្រធានាធិបតីម៉ាល់ឌីវវិលត្រឡប់ពីការនិរទេសខ្លួនវិញ

42

អតីតប្រធានាធិបតីម៉ាល់ឌីវលោក Mohamed Nasheed បានត្រលប់មកប្រទេសកំណើតវិញកាលពីថ្ងៃព្រហស្បតិ៍បន្ទាប់ពីបាននិរទេសខ្លួនទៅក្រៅប្រទេសបានពីរឆ្នាំ។ សកម្មភាពនេះបានកើតឡើងបន្ទាប់ពីជ័យជម្នះភ្លូកទឹកភ្លូកដីនៃប្រធានាធិបតីជាប់ឆ្នោតលោក Ibrahim Mohamed Solih ដែលត្រូវបានគាំទ្រដោយលោក Nasheed។

អតីតប្រធានាធិបតីត្រូវបានស្វាគមន៍នៅក្នុងរដ្ឋធានីរបស់ប្រទេសនេះដោយសមាជិករបស់គណបក្សនិងអ្នកគាំទ្ររបស់គាត់។

លោក Nasheed ត្រូវបានជាប់ឆ្នោតជាប្រធានាធិបតីក្នុងការបោះឆ្នោតពហុបក្សលើកដំបូងនៅក្នុងឆ្នាំ 2008។ ប៉ុន្តែនៅឆ្នាំ 2015 គាត់ត្រូវបានគេកាត់ទោសឱ្យជាប់គុក 13 ឆ្នាំ បន្ទាប់ពីត្រូវបានផ្តន្ទាទោសពីអំពើភេរវកម្មក្រោមការគ្រប់គ្រងរបស់ប្រធានាធិបតីដែលធ្លាក់ឆ្នោតលោក Abdulla Yameen។

លោក Nasheed ត្រូវបានផ្តល់សិទ្ធិជ្រកកោននៅចក្រភពអង់គ្លេសនៅពេលលោកបានធ្វើដំណើរទៅទីនោះដើម្បីព្យាបាលជំងឺពេលចេញពីពន្ធនាគារ។

គាត់បានត្រលប់ប្រទេសកំណើតវិញបន្ទាប់ពីតុលាការកំពូលម៉ាល់ឌីវបានព្យួរការកាត់ទោសរបស់គាត់កាលពីថ្ងៃអង្គារ។

ក្នុងអំឡុងពេលនៃយុទ្ធនាការ នេះលោក Nasheed បានចោទប្រកាន់លោក Yameen ពីបទដាក់បន្ទុកលើប្រទេសដែលមានបំណុលយ៉ាងច្រើនពីប្រទេសចិន។

លោក Nasheed បានជំរុញឱ្យរដ្ឋាភិបាលថ្មីធ្វើការកែលម្អគម្រោងដែលបានលើកកម្ពស់ដោយរដ្ឋបាល៕